Plantun de Prouvènço

Pèr coumpara dos planto d'encò nostre

Tofieldia calyculata & Thymus polytrichus

Tofieldia calyculata

Tofieldiaceae

Nom en français : Tofieldie à calicule.

Descripcioun :
Aquesto planto di flour jauno en espigo, trachis dins li relarg bagna de mountagno, valènt-à-dire proche de font e de riéusset. Li flour di tres tepalo soun doublado d'un faus calice (ço que i'a douna soun noum). Li fueio dounon d'èr à li di glaujo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 30 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Tofieldia
Famiho : Tofieldiaceae

Ordre : Alismatales

Coulour de la flour : Jauno
Petalo : 6
Ø (o loungour) enflourejado : 1 à 5 cm
Flourido : Printèms - Estiéu

Sòu : Si
Autour basso e auto : 800 à 2600 m
Aparado : Noun
Jun à avoust

Liò : Font - Palun - Riéusset
Estànci : Mountagnard à Aupen
Couroulougi : Éurasiatico
Ref. sc. : Tofieldia calyculata (L.) Wahlenb., 1812

Ferigouleto(-bourrihudo)

Thymus polytrichus

Lamiaceae Labiaceae

Àutri noum : Farigouleto, Serpoulet, Badassoun, Menudet.

Nom en français : Thym à pilosité variable.

Descripcioun :
Aquesto ferigouleto se retrobo dins li pelouso e roucaio de mountagno mounte èi pas raro. Jamai eisado à destria d'un biais segur, fau bèn regarda la cambo, carrado emé de péu tout à l'entour (e pas soulamen sus 2 coustat o li caire), li fueio, emé de costo segoundàri que viron sus li bord, e de sepalo pelouso. Apoundèn que la planto crèis d'un biais monopoudique, emé uno longo tijo acabado pèr un tros bèn rama (vèire li fotò). Pensa de coumpara emé lis àutri ferigouleto de mountagno.

Usanço :
La ferigouleto-bourrihudo a à pau près li mémi prouprieta qu'aquéli de la ferigoulo estènt quand meme mens forto.

Port : Pichoto planto lignouso
Taio : 2 à 10 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Thymus
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 3 à 4 mm
Flourido : Printèms - Estiéu

Sòu : Ca
Autour basso e auto : 1200 à 2800 m
Aparado : Noun
Jun à avoust

Liò : Pelouso - Roucaio
Estànci : Mountagnard à Aupen
Couroulougi : Ouroufito-Sud-Éuropo
Ref. sc. : Thymus polytrichus A.Kern. ex Borbás, 1890 (= Thymus praecox subsp. polytrichus (A.Kern. ex Borbás) Jalás, 1970 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

Tofieldia calyculata & Thymus polytrichus

ges

Coumpara Toufieldìo(-à-calicule) emé uno autro planto

Coumpara Ferigouleto(-bourrihudo) emé uno autro planto